ABŞ prezidenti Donald Tramp çərşənbə axşamı Vladimir Zelenskidən Ukraynadakı münaqişənin sülh yolu ilə həllinə dair danışıqlara hazır olduğunu bildirən məktub aldığını bildirib.
NOCOMMENT.az xəbər verir ki, o, ABŞ Konqresinin Nümayəndələr Palatası və Senatında ölkədəki vəziyyət, daxili və xarici siyasətin prioritet istiqamətləri ilə bağlı çıxışı zamanı deyib: “Mən bu gün Ukrayna prezidenti Zelenskidən mühüm məktub aldım. Məktubda bildirilir ki, Ukrayna uzunmüddətli sülhü yaxınlaşdırmaq üçün mümkün qədər tez danışıqlar masası arxasına oturmağa hazırdır”.
Məktubda həmçinin bildirilir ki, Amerika lideri əlavə edib ki, Zelenski və komandası uzunmüddətli sülhə nail olmaq üçün Trampın “güclü rəhbərliyi altında işləməyə hazırdır”.
Zelenski öz mesajında Ukraynanın istənilən vaxt resurslarla bağlı saziş imzalamağa hazır olduğunu da bildirib.
“Minerallar və təhlükəsizlik sazişinə gəlincə, Ukrayna bizim üçün əlverişli olan istənilən vaxt onu imzalamağa hazırdır. Onun bu məktubu göndərməsini yüksək qiymətləndirirəm. Mən onu indicə almışam”, – Tramp deyib.
