1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bakı şəhəri, Zərifə Əliyeva küçəsi, 10/b ünvanındakı yaşayış binasının sakinləri birinci mərtəbədə fəaliyyət göstərən "XS lounge" gecə klubundan şikayətçi olduqlarını bildirmişdilər.
Bu barədə Oxu.Az-a müraciət edən sakinlər gecə klubunun onların istirahət hüququnu pozduğunu söyləyirdilər.
Klub isə sakinlərin iddialarını əsassız hesab etmişdi.
Daxili İşlər Nazirliyinin (DİN) Mətbuat Xidmətinin əməkdaşı Elbrus İbrahimov Oxu.Az-a açıqlamasında bildirib ki, sözügedən obyektin icarədarı barəsində qanunauyğun tədbirlər görülüb:
"Sakinlərin "XS lounge" gecə klubundakı səs-küylə bağlı müraciətinə polis tərəfindən baxılıb.
Sakinlərin narahatlığını əks etdirən hallar polis əməkdaşları tərəfindən araşdırılıb. Obyektin icarədarı barəsində qanunauyğun tədbirlər görülüb".
Aygün Mirakif
