Mövzu ilə bağlı politoloq Tural İsmayılov açıqlamasında Ermənistanı dəstəkləyən qüvvələr, Cənubi Qafqazda sülhün bərpa olunmasına mane olduğunu qeyd edib:
"Hesab edirəm ki, Ermənistanı silahlandıranlar həmçinin Azərbaycanla Ermənistan arasında müsbət əlaqələrin bərpa olunmasını istəməyən qüvvələrdir. Əgər Cənubi Qafqazda sülh və sabitlik istənilirsə , bunun yeganə yolu Azərbaycanla Ermənistan arasında normal barış mühitinin formalaşdırmaqdan keçir. Amma biz görürük ki, Ermənistanı silahlandıranlar, güc vasitəsi kimi istifadə edənlər bugün Ermənistanın daha da aqressivləşməyinə və daha da provokator bir mövqe tutmağına səbəb olurlar. Hər bir halda Fransa və İranın yaxud digər qüvvələrin Ermənistanın təxribatçı əməllərinə göz yunması və ya bu mövqeləri dəstəkləməsi Azərbaycan və Ermənistan arasında yarana biləcək sülh və etimad imkanlarını kifayət qədər zədələyir. Bugün Azərbaycan regionda sülhün əldə edilməsi üçün əlindən gələn hər şeyi etsə də , Ermənistan bu siyasətdən qaçır və onu dəstəkləyən qüvvələr də Cənubi Qafqaz regionunda normal dövlətlərarası münasibətlərin formalaşmağına təkan vermir. Hər bir halda hesab edirəm ki, Azərbaycan və Ermənistan arasında sülhün əldə edilməməsinin bir nömrəli səbəbkarı Ermənistan olsa da, Ermənistanı dəstəkləyən və ona havadarlıq edənlər də bu prosesin ləngiməyinə səbəb olur".
Zeynəb Mustafazadə
