"Çelsi" və "Arsenal" klubları, "Sportinq"də çıxış edən 21 yaşlı müdafiəçi Ousmane Diomande üçün transfer yarışına qoşulublar.
Offsideplus.az xəbər verir ki, hər iki klub gənc istedadı heyətinə qatmaq üçün təxminən 50 milyon avro məbləğində təkliflər hazırlayır. Lakin "Sportinq" klubunun, Diomandenin müqaviləsində 80 milyon avroluq sərbəst qalma maddəsi olduğu üçün, bu məbləğdən aşağı təklifləri qəbul etməyə hazır olmadığı bildirilir.
Diomande, 2023-cü ilin yanvar ayında "Sportinq"ə qoşulduqdan sonra, müdafiənin əsas fiqurlarından birinə çevrilib və Avropanın bir çox nəhəng klublarının diqqətini cəlb edib. "Çelsi" və "Arsenal"ın yanaşı, "Bavariya" və "Nyukasl Yunayted" kimi klubların da gənc müdafiəçiyə maraq göstərdiyi qeyd olunur.
