Neftçi (Bakı) - Turan Tovuz 1:1 (0:0)
93. Rza Cəfərov (k) - 5,5
10. Filip Ozobiç - 6,0
(17. Rəhman Hacıyev, 80) - qiymətsiz
3. Höccət Haqverdi - 5,5
19. Azər Salahlı - 5,5
4. Elvin Camalov - 5,5
91. Ağadadaş Salyanski - 5,5
(9. Bassala Sambu, 68) - 6,0
14. Edvin Kuç - 5,5
99. Ervin Koffi - 6,0
24. Mustafa Sek - 5,5
(7. Azər Əliyev, 80) - qiymətsiz
18. Rinosuke Ohori - 5,5
11. Aleks Fernandes - 5,0
(47. Murad Məmmədov, 68) - 5,0
Ehtiyat oyunçular
1. Emil Balayev
30. Rustam Samiqullin
90. Ramil Şeydayev
13. Emil Səfərov
6. Rafael Quzzo
22. Dembo Darbo
20. Alfa Konte
77. Yeqor Boqomolski
Baş məşqçi: Samir Abasov
Komandanın ən yaxşısı: Bassala Sambu
41. Sergey Samok - 6,0
19. Orxan Əliyev - 4,5
(77. Veysəl Rzayev, 29) - 5,5
17. Rəhim Sadıxov - 5,5
88. Faiq Hacıyev - 5,5
(11. Ayxan Hüseynov, 90) - qiymətsiz
7. İsmayıl Zülfüqarlı - 5,5
9. Kristian da Silva - 5,0
23. Alexandro Serrano - 6,0
15. Emmanuel Hakman (k) - qiymətsiz
32. Hayderson Urtado - 6,5
40. Kauan Martins - 5,5
21. Aleks Souza - 6,0
Ehtiyat oyunçular
1. İvan Konovalov
71. Mehman Hacıyev
39. Sadiq Quliyev
33. Eltun Turabov
10. Xəyal Nəcəfov
8. Tural Bayramlı
13. Fərid Yusifli
44. Rüfət Əhmədov
6. Araş Qaderi
29. Anton Kraçkovski
Baş məşqçi: Kurban Berdıyev
Komandanın ən yaxşısı: Hayderson Urtado
Qollar: B.Sambu, 88 (1:0, E.Koffi). H.Urtado, 90+5 (1:1).
Vərəqələr: A.Serrano, 67 (qeyri-idman hərəkəti). H.Haqverdi, 77 (qeyri-idman hərəkəti). E.Camalov, 80 (qeyri-idman hərəkəti) - sarı. E.Hakman, 18 (rəqibi aşkar qol vurmaqdan məhrum etdiyi üçün) - qırmızı.
Hakimlər: RƏVAN HƏMZƏZADƏ (Şəki), Cəmil Quliyev, Zöhrab Abbasov, Kamran Əliyev (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Akif Əmirəli (Bakı).
Hakim-inspektor: Rəhim Həsənov (Bakı).
AFFA nümayəndəsi: Zaur Hacı-Məhərrəmov (Bakı).
10 mart. Bakı. “Neftçi Arena”. 1200 tamaşaçı (11000 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 6,0.
“Neftçi Arena”da ötən tur uduzan komandalar qarşılaşdı. Digər tərəfdən, “Neftçi” bir gün əvvəl uduzan “Sabah”, “Turan Tovuz” isə “Araz-Naxçıvan” ilə xal fərqini azaltmaq istəyirdi.
Dumanla müşayiət olunan olunan oyunun ilk 15 dəqiqəsi qarşılıqlı hücumlar şəraitində keçdi. 18-ci dəqiqəsində Rəhimdən ötürmə alan Hakman Ozobiçlə mübarizədə kobudluq etmədi. Hakim dərhal qonaqların legionerinə “qırmızı” göstərdi. Təbii ki, rəqibin azlıqda qalması meydan sahiblərunu həvəsləndirdi. 33-cü dəqiqədə “ağ-qaralar” hesabı açmağa yaxın oldu. Amma Fernandesin zərbəsi qapı dirəyinə tuş gəldi. Qayıdan topa yaxınlaşan Elvin Camalovun zərbəsini isə Urtado blokladı. 2-ci hissə də “Neftçi”nin hücumları şəraitində başladı. 53-cü dəqiqədə Sekin qapı qarşısına ötürməsini tamamlayan Salyanskinin başla zərbəsi qeyri-dəqiq oldu.
62-ci dəqiqədə İsmayılla Serranodan yayınan Ervin zərbə endirsə də, “çərçivə”yə düşə bilmədi. 3 dəqiqə sonra “Turan Tovuz” da rəqib qapısı önündə təhlükəli vəziyyət yaratdı. Serranonun zərbəsinin qarşısını Kuçla Koffi aldı. 68-cı dəqiqədə meydana çıxan Sambu cəmi 2 dəqiqə sonra fərqlənməyə yaxın oldu. Bassala uzaqdan bəxtini sınasa da, Samok topu küncə çıxarmağı bacardı. 72-ci dəqiqədə Murad Məmmədovun cərimə zərbəsində azacıq dəqiqlik çatmadı. “Neftçi” qol istəyinə 88-ci dəqiqədə çaydı. Rəhman – Koffi -Sambu kombinasiyası zamanı sonuncu dəqiq baş zərbəsi ilə topu tora qovuşdurdu - 1:0.
Gözləmək olardı ki, bakılılar oyunu asanlıqla qələbəyə daşıyacaq. Ancaq bu mövsüm “Neftçi”nin hər cür qəribəliklərinə öyrəşmişik. “Turan Tovuz”un standart vəziyyətləri ustalıqla yerinə yetirməyi unutmalarını da bunlardan biri sayaq. Qonaqlar son saniyələrdə cərimə zərbəsi qazandı. Topun arxasına keçən Ayxan Hüseynov qapı qarşısına ötürmə verdi. Cərimə meydançası daxilində Koffi topu irəli yox, geri göndərdi. Belədə top Urtadonun önünə düşdü və kolumbiyalı müdafiəçi dəqiq zərbə ilə topu tora qovuşdurdu - 1:1. Beləliklə, cari mövsümdə 3-cü dəfə üz-üzə gələn komandaların görüşündə yenə qalib müəyyənləşmədi.
Gözdən qaçmadı
* “Neftçi”nin baş icraçı direktoru Cenk Sümer ölkə çempionatlarında 200-cü oyununu keçirməklə ağ-qara formada rekorda imza atan Emin Mahmudova xatirə hədiyyəsi təqdim etdi.
* Matç bitəndən sonra “Ultras Turan” “Neftçi”, gəl bura, bir az mırtlaşaq” dedi.
ƏSƏD SEYİDOV
- Ночной Режим
- Домашняя страница
- Статистика
- Источники
- Рейтинг
- Погода
- Валюта
