Norveçin Mülki Aviasiya İdarəsi İsveçin Esranjdan milli hava məkanına buraxılan raketin uçuşu ilə bağlı potensial riskləri 146,45 milyon avro dəyərində qiymətləndirib.
NOCOMMENT.az xəbər verir ki, bu barədə “European Spaceflight” nəşri məlumat yayıb.
Norveç tənzimləyicisinin hesabatında İsveç Kosmik Korporasiyasının Esrange-dən buraxılışları planlaşdırarkən əhali məlumatlarını nəzərə almadığı müəyyən edilib. “Bundan başqa, nə ərazidə yaşayanların sayı, nə də turistlərin və digər tranzit əhali qruplarının çoxluğu təqdim edilmir. Norveçdəki təsirə məruz qalan ərazilər İsveç tərəfindəki ərazilərdən əhəmiyyətli dərəcədə daha çox məskunlaşıb və Esrangedən Norveçin məskunlaşdığı ərazilər üzərindən uçmayan bircə trayektoriya tapmaq mümkün deyil”, – sənəddə deyilir.
O qeyd edir ki, risklərin azaldılması tədbirləri, xüsusən də əhalinin evakuasiyası yerli icmalar üçün əhəmiyyətli mənfi nəticələrə səbəb ola bilər. Raket buraxılışları neft hasilatı obyektlərinə xüsusi təsir göstərə bilər, ona görə də hesabatda tövsiyə edilir ki, “Norveç neft və qaz qurğuları üçün hər hansı risk olan ərazilərdə buraxılışlara icazə verilməməlidir”.
2024-cü ilin fevralında SpaceNews Firefly Aerospace-ə istinadən təsdiqlədi ki, İsveçdəki Esrange-dən Alpha raket buraxılışı 2026-cı ilin sonu və ya 2027-ci ilin əvvəlində başlayacaq.
May ayında European Spaceflight bildirmişdi ki, Cənubi Koreyanın “Perigee Aerospace” şirkəti tərəfindən hazırlanmış “Mavi Balina 1” raketinin İsveçdəki Esrangedən 2025-ci ildən tez olmayaraq buraxılması planlaşdırılır.
