“Yalnız Amerika Birləşmiş Ştatlarının sayəsində fransızlar indi almanca danışmırlar. Onlar bizə çox minnətdar olmalıdırlar”.
“Qafqazinfo” xəbər verir ki, bu sözləri Ağ Evin mətbuat katibi Kerolayn Livit ABŞ-nin Azadlıq heykəlini Fransaya qaytarıb-qaytarmayacağı ilə bağlı suala cavab verərkən deyib.
Xatırladaq ki, Avropa Parlamentinin fransız deputatı bir neçə gün əvvəl Azadlıq heykəli ilə bağlı məsələni gündəmə gətirərək bildirib ki, heykəl “öz sahibinə-Fransaya” geri verilməlidir.
Qeyd edək ki, Kerolayn Livit cavabında İkinci Dünya Müharibəsi zamanı Almaniyanın Fransanı işğal etməsinə eyham edib. Belə ki, Fransa daha sonra 1944-cü ildə ABŞ və digər müttəfiq qüvvələrin köməyi ilə azad edilib.
