Kərkükdə Azərbaycan Mədəniyyəti Mərkəzi açılmasını təklif edirik.
APA xəbər verir ki, bunu "Türkman irsi: vətəndaş cəmiyyətlərinin həmrəyliyi" adlı Forum çərçivəsində təşkil edilmiş “Ortaq dəyərlər: tarix və mədəniyyətin izləri” adlı panel müzakirəsində "Türkmaneli" qəzetinin baş redaktoru, tarixçi, yazıçı-jurnalist Necat Kevsəroğlu deyib.
"Belə bir mərkəzin olması bizim ədəbiyyamızın, atalar sözlərimizin, adət-ənənələrimizin müqayisəli şəkildə araşdırılıb, işlənilib gələcək nəsillərə ötürmək baxımından çox vacibdir.
Azərbaycanlı dahilərin, elm adamlarının əsərlərinin ölkəmizdə tanıdılması baxımından belə bir mərkəz olsa, çox yaxşı olar. Professor Qəzənfər Paşayevin kərküklər haqqında yazdığı kitablar da o mərkəz üçün əvəzsiz töhfə olacaq", - o qeyd edib.
