ABŞ Federal Ehtiyat Sistemi baza faiz dərəcəsini illik 4,25-4,5% diapazonunda saxlayıb.
Tənzimləyicinin press-relizində deyilir ki, ölkənin Mərkəzi Bankının funksiyalarını yerinə yetirən ABŞ-ın Federal Ehtiyat Sistemi (FRS) baza faiz dərəcəsini illik 4,25-4,5% diapazonunda saxlayıb.
Federal Ehtiyat Sisteminin məlumatına görə, 2025-ci ildə ABŞ-da inflyasiya 2,7%, işsizlik isə 4,4% səviyyəsində proqnozlaşdırılır.
Bununla yanaşı, departament bu il Amerika iqtisadiyyatının artımı ilə bağlı gözləntilərini 2,1%-dən 1,7%-ə endirib.
Yanvarın 30-da Fed üç endirimdən sonra əsas uçot dərəcəsini illik 4,25-4,5% səviyyəsində saxladı. Tənzimləyici qeyd edib ki, son məlumatlar amerikalıların iqtisadi fəallığının sabit templə artmaqda davam etdiyini, son aylarda aşağı işsizlik səviyyəsinin qeydə alındığını və əmək bazarında şəraitin sabitləşdiyini göstərir. Eyni zamanda, inflyasiya “bir qədər yüksəlmiş” səviyyədə qalır.
Dekabrın ikinci yarısında FED ölkədə 2025-ci il üçün inflyasiya proqnozunu (PCE indeksi) 2,5%-ə qaldırıb.
