Bakı, 6 aprel, AZƏRTAC
Misli Premyer Liqasında XXIX turun daha bir oyunu keçirilib.
AZƏRTAC xəbər verir ki, "Kəpəz" səfərdə "Sabah"ın qonağı olub. Görüşün taleyini 1 qol həll edib. Valdemar Almeydanın 41-ci dəqiqədə vurduğu qol Gəncə təmsilçisinə qələbə qazandırıb.
Bu nəticədən sonra "Sabah" 36 xalla 5-ci, "Kəpəz" isə 27 xalla 9-cu pillədə qərarlaşıb.
Günün son oyununda "Qarabağ" saat 19:30-da "Zirə"ni qəbul edəcək.
Qeyd edək ki, tura aprelin 7-də keçiriləcək 2 matçla yekun vurulacaq.
