Azərbaycan cüdoçuları Çexiyada təlim düşərgəsində iştirak edir.
Azərbaycan cüdoçuları Avropa Cüdo Birliyinin təşkilatçılığı ilə Çexiyanın Nimburk şəhərində keçirilən Olimpiya Təlim Düşərgəsində iştirak edir.
Operativ Media Hazırlıq prosesinə milli komandalarımızın 19 üzvü (9 kişi, 10 qadın) cəlb olunub.
Cüdoçularımıza kişilərdən ibarət yığmanın böyük məşqçisi Robert Kravçik və qadınlardan ibarət millinin baş məşqçisi Amina Abdullatif rəhbərlik edir.
Təlim-məşq toplanışı 21-23 mart tarixlərində Gürcüstanda keçiriləcək Tbilisi Böyük Dəbilqə turnirinə, həmçinin qarşıdan gələn digər beynəlxalq yarışlara hazırlıq məqsədi daşıyır.
Qeyd edək ki, Olimpiya Təlim Düşərgəsi 17 martda başa çatacaq.
