“Mançester Siti”nin hücumçusu Erlinq Haaland komandadan ayrıla bilər.
İdmanxeber.az-ın məlumatına görə, “şəhərlilər” Çempionlar Liqasına vəsiqə qazana bilməsə, norveçli futbolçu klubu tərk etməyi düşünür. Haalandın karyerasını “Real” və ya PSJ-də davam etdirəcəyi ehtimal edilir.
Ulduz futbolçu 2022-ci il iyulun 1-dən “Mançester Siti”də çıxış edir və onun klubla müqaviləsi 30 iyun 2034-cü ilə qədərdir. Bu mövsüm hücumçu 38 oyun keçirib, 29 qol vurub və 4 məhsuldar ötürmə edib.
