Qızarmaq, tez-tez utanma və ya həyəcan anlarında baş verən bədənin təbii reaksiyasıdır. Bəs bunun səbəbi nədir?
Editor.az xəbər verir ki, kardioloq Milana Hacıyeva bu barədə müsahibə verib.
“Üzün qızarması ürək döyüntüsü, tənəffüs və qan dövranı kimi qeyri-ixtiyari bədən funksiyalarına nəzarət edən avtonom sinir sistemi ilə əlaqələndirilir. Biz utanc hiss etdikdə beyin bunu stresli vəziyyət kimi qəbul edir. Buna cavab olaraq simpatik sinir sistemi aktivləşir ki, bu da “mübarizə və ya qaç” reaksiyasını işə salır”, -Hacıyeva bildirib.
O bildirib ki, bu reaksiyanın bir əksi üz nahiyəsində qan damarlarının genişlənməsidir. Bu, dəriyə qan axını artıran adrenalin ifrazı ilə bağlıdır. Nəticədə kapilyarlar genişlənir və üz qırmızı olur.
Onun sözlərinə görə, bu reaksiyanın bir əksi üz nahiyəsində qan damarlarının genişlənməsidir. Bu, dəriyə qan axını artıran adrenalin ifrazı ilə bağlıdır. Nəticədə kapilyarlar genişlənir və üz qırmızı olur.
“Utanc, tez-tez zəiflik hissi və ya mühakimə qorxusu ilə əlaqəli sosial emosiyadır. Özümüzü yöndəmsiz vəziyyətdə tapanda beynimiz bunu sosial statusumuz üçün təhlükə kimi şərh edir. Bu, fiziologiyaya təsir edən stress reaksiyasına səbəb olur”, – kardioloq əlavə edib.
Həkim bildirib ki, qızarmaq insana xas xüsusiyyətdir: “Bu, özümüzü dərk etmə və empatiya qabiliyyətimizlə bağlıdır. Biz qızarırıq, çünki başqalarının bizi necə qəbul etdiyini bilirik, bu da emosional reaksiyaya səbəb olur”.
“Üz bədənin digər hissələrinə nisbətən daha tez-tez qızarır, çünki bu nahiyədə dərinin səthinə yaxın çoxlu xırda qan damarları olur. Qan damarları genişləndikdə qan üzə axır və qırmızı olur. Həmçinin üz bədənin ən çox görünən hissəsidir, ona görə də qızartı ətrafdakılarda nəzərə çarpan olur”, – deyə həkim əlavə edib.
“Lakin xatırlamaq lazımdır ki, qızarmaq bizim səmimiyyətimizi və emosionallığımızı göstərən təbii reaksiyadır. Bəzi mədəniyyətlərdə bu, hətta dürüstlük və xeyirxahlıq əlaməti kimi qəbul edilir”, – Hacıyeva yekunlaşdırıb.
//Gülnarə Abasova, Editor.az
