1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Real Madrid" klubunun baş məşqçisi Karlo Ançelotti İspaniyada vergidən yayınma iddiası ilə bağlı açılan cinayət işi ilə əlaqədar hakim qarşısına çıxıb.
Oxu.Az bu barədə "Anadolu" agentliyinə istinadən məlumat verib.
65 yaşlı mütəxəssis məhkəmə prosesinə həyat yoldaşı, övladı və klubdakı köməkçisi ilə qatılıb.
"Mən müqavilə müddəti ərzində altı milyon təmiz gəlir alacağımı düşünürdüm. Heç vaxt nəyinsə səhv olmasından şübhələnməmişəm və prokurorluğun məni araşdırdığına dair heç bir xəbər almamışam", - deyə hakimlərə xitab edən mütəxəssis bildirib.
Xatırladaq ki, K.Ançelotti 2014 və 2015-ci illərdə yalnız "Real Madrid"dəki maaşından vergi ödəyib, lakin əlavə gəlir mənbələrindən vergi ödəməyib. Ümumi borc məbləği 1.062 milyon avro (1.94 milyon manat) təşkil edib.
Prokurorluq Ançelotti üçün dörd il doqquz ay müddətinə həbs cəzası tələb edir.
65 yaşlı Ançelotti 2021-ci ildən "Real Madrid"ə rəhbərlik edir, bundan əvvəl isə 2013-2015-ci illərdə komandanın baş məşqçisi olub.
