1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Polşanın "Radomyak" klubu futbol üzrə Azərbaycan milli komandasının hücumçusu Renat Dadaşovla müqaviləni uzadacaq.
Oxu.Az bu barədə azerisport.com-a istinadən xəbər verib.
25 yaşlı hücumçu bu ilin fevral ayının sonunda komandaya qoşulub. Müqaviləyə mövsümün sonunda onu daha bir ilə uzatmağı nəzərdə tutan bənd daxil edilib.
Artıq klub bu bənddən istifadə etmək qərarına gəlib. Məşqçilər hesab edirlər ki, komandaya tez uyğunlaşan R.Dadaşov növbəti mövsüm də kluba faydalı ola bilər.
Xatırladaq ki, "Radomyak"ın heyətində dörd oyun keçirən R.Dadaşov iki qol və bir məhsuldar ötürmə ilə yadda qalıb.
