1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Müdafiə Nazirliyi müddətdən artıq həqiqi hərbi xidmətə sənəd qəbulu elan edir.
Oxu.Az xəbər verir ki, bu barədə nazirlik məlumat yayıb.
Bildirilib ki, sənəd qəbulu həm elektron qaydada həm də regional sənəd qəbulu mərkəzlərində həyata keçirilir. Namizədlərin bu üsullardan biri vasitəsilə müraciət etməsi kifayətdir.
Müddətdən artıq həqiqi hərbi xidmət hərbi qulluqçularının hazırlığı kursuna qəbul olunacaq şəxslər kurs müddətində tam təminatla - əşya, ərzaq, tibbi xidmət, yaşayış yeri və aylıq pul təminatı ilə təmin edilirlər.
Kursu uğurla bitirib xidmətə başladıqdan sonra isə bir sıra yüksək imtiyazlara sahib olurlar:
- Kiçik çavuş, çavuş, baş çavuş rütbələrinin verilməsi;
- Xidməti mənzil və ya müvəqqəti yaşayış sahəsinin kirayəsi üçün pul kompensasiyasının ödənilməsi;
- İl ərzində birdəfəlik verilən maddi yardım;
- Növbəti məzuniyyətə çıxarkən əlavə pul təminatı;
- Qüsursuz hərbi xidmətə görə əsas vəzifə və rütbə maaşının iki misli həcmində birdəfəlik pul mükafatı;
- Ailə üzvləri üçün güzəştli tibbi təminat;
- Güzəştli ipoteka krediti;
- Azərbaycan Ordusunda 20 təqvim ili və daha çox qüsursuz xidmət etdikdə dövlət vəsaiti hesabına mənzillə təmin olunma;
- Karyerada yüksəliş imkanı.
Müddətdən artıq həqiqi hərbi xidmət hərbi qulluqçularının hazırlığı kursuna qəbul üçün bəzi şərtlər mövcuddur:
- Ən azı ümumi orta təhsilli;
- Müddətli hərbi xidmətini başa vurmuş, 30 yaşınadək hərbi vəzifəlilər;
Müddətdən artıq həqiqi hərbi xidmət qulluqçusu kimi xidmət etmiş, xidmət müddəti başa çatdığına və ştat ixtisarına görə ordu sıralarından ehtiyata buraxılmış 40 yaşı tamam olmayan hərbi vəzifəlilər;
Sənəd qəbulunun son tarixi 30 aprel 2025-cil ildir.
