Kilian Mbappe şəxsi rekorda imza atdı

PSJ-nin fransız hücumçusu Kilian Mbappe bir mövsümdə qol vurmaq üzrə şəxsi rekorda imza atıb.
Fransa çempionatının 29-cu turunun 4:1 hesabı ilə başa çatan “Loryan”la matçında Mbappe qol vurub və məhsuldar ötürmə edib. Beləliklə də fransalı hücumçu cari mövsümdə bütün yarışlarda 43-cü qolunu vuraraq, bu göstərici üzrə rekorda imza atıb.

Mbappe 2018-ci ildən PSJ-də çıxış edir. Hücumçunun klubla müqaviləsi 2024-cü ilə qədər nəzərdə tutulub. Hazırda futbolçunun transfer dəyəri 180 milyon avro olaraq qiymətləndirilir.
Bu mövsüm Mbappe bütün turnirlərdə 43 matçda iştirak edib, 43 qol vurub, 10 məhsuldar ötürmə edib.