Böyük Britaniyanın baş naziri Kir Starmer və Fransa prezidenti Emmanuel Makron ABŞ prezidenti Donald Trampa müharibənin həlli üçün vahid plan təqdim etmək üçün gələn həftə Ukrayna prezidenti Volodimir Zelenski ilə birlikdə Vaşinqtona getməyə hazırlaşırlar.
Demokratikmusavat.com xəbər verir ki, bu barədə “Daily Mail” yazır.
Nəşrin yazdığına görə, bu səbəbdən də Zelenski X-də (tviter) müharibəyə son qoymaq üçün Trampla işləməyə və hətta mineral ehtiyatlara dair saziş imzalamağa hazır olduğunu bildirib.
"Biz istərdik ki, gələcək əməkdaşlıq və ünsiyyət konstruktiv olsun", - Zelenski qeyd edib.
Nəşr yazıb ki, Zelenskinin bəyanatı Starmerlə telefon danışığından sonra verilib. Telefon danışığı zamanı britaniyalı baş nazir Zelenskiyə sülhü əldə etmək məqsədilə Amerikanın dəstəyini qazanmaq üçün Trampla münasibətləri düzəltməyin vacibliyi barədə xəbərdarlıq edib.
Mürtəza
Demokratikmusavat.com
