Vətəninfo.az xəbər verir ki, ABŞ dövlət katibi Marko Rubio bildirib ki, ABŞ Suriyanın yeni hökuməti ilə Suriya Demokratik Qüvvələri arasında razılaşmanı alqışlayır .
Rubio Dövlət Departamentinin saytında dərc olunan bəyanatda, “Birləşmiş Ştatlar Suriyanın müvəqqəti hakimiyyət orqanları ilə Suriya Demokratik Qüvvələri arasında ölkənin şimal-şərqinin vahid Suriyaya inteqrasiyası üçün bu yaxınlarda elan edilmiş razılaşmanı alqışlayır” dedi.
O qeyd edib ki, Birləşmiş Ştatlar “daha çox münaqişədən qaçmağın ən yaxşı yolu kimi etibarlı, qeyri-məzhəb idarəçiliyini” nümayiş etdirəcək siyasi keçidi dəstəkləyir.
“Biz azlıqlara qarşı son vaxtlar baş verən ölümcül zorakılıq hadisələrini narahatlıqla qeyd edərək, müvəqqəti hakimiyyət orqanlarının qəbul etdiyi qərarları izləməyə davam edəcəyik”, – dövlət katibi əlavə edib.
Martın 10-da Dəməşqdə Suriya Keçid Təşkilatının prezidenti Əhməd əl-Şara və Suriya Demokratik Qüvvələrinin komandanı Mazlum Abdi arasında Suriyanın şimal-şərqindəki kürd muxtariyyətinin bütün mülki və silahlı strukturlarının dövlət qurumlarına inteqrasiyası haqqında saziş imzalanıb.
