Füzuli, 17 mart, Aydın Yavərzadə, AZƏRTAC
Qarabağ Regional Təhsil idarəsinin təşkilatçılığı, Füzuli Dövlət Dram Teatrının dəstəyi ilə Füzuli şəhəri Mirzə Uluqbəy adına tam orta məktəbdə Novruz şənliyinə həsr olunan bayram konserti təşkil edilib.
AZƏRTAC-ın bölgə müxbiri xəbər verir ki, teatrın repertuarında olan tamaşalardan səhnələr, şən mahnılar şagirdlərin sevincinə səbəb olub. Həmçinin Kosa və Keçəlin bayram sərgüzəştləri tamaşaçılarda yüksək əhvali-ruhiyyə yaradıb.
