Ağ Evin sözçüsü Kerolin Levitt bildirib ki, ABŞ prezident Donald Trampın Rusiya prezidenti Vladimir Putinlə telefon danışığının nəticələrini danışıqlar bitdikdən dərhal sonra elan etməyi planlaşdırır.
Editor.az bu barədə RİA Novosti-yə istinadla məlumat yayıb.
“Prezidentin həmişə etdiyi kimi, şəffaflıq naminə sizi əmin edə bilərəm ki, görüşdən dərhal sonra onun və ya komandamızdan kimsədən nəticələr barədə məlumat alacaqsınız”,-deyə bildirilib.
Digər tərəfdən, rəhbərlik nümayəndələri Vladimir Zelenskinin gələcəyi ilə bağlı məsələnin gündəmə gəlib-gəlməyəcəyi ilə bağlı şərh verməkdən imtina ediblər.
“Mənə əvvəllər də bu məsələ ilə bağlı çoxlu suallar verilib, qərəzli olmaq fikrim yoxdur. Görüş başa çatandan sonra aydınlıq gətirəcəyik”, – deyə rəsmi bildirib.
//Gülnarə Abasova, Editor.az
