Ermənistan Təhlükəsizlik Şurasının katibi Armen Qriqoryan Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Maqdalena Qrononu qəbul edib.
"Unikal" xəbər verir ki, bu barədə erməni KİV məlumat yayıb.
Görüşdə Cənubi Qafqazda təhlükəsizlik vəziyyəti və mövcud çağırışlar müzakirə olunub.
Həmsöhbətlər Ermənistanla Azərbaycan arasında münasibətlərin normallaşması prosesi ilə bağlı fikir mübadiləsi aparıblar. Təhlükəsizlik Şurasının katibi Ermənistanın regionu davamlı sülh və sabitliyə doğru istiqamətləndirəcək Sülh Sazişini mümkün qədər tez imzalamağa hazır olduğunu bir daha təsdiqləyib.
Ermənistan-Avropa İttifaqı tərəfdaşlığının gündəliyində duran məsələlərə də istinad edilib.
Ağarza Elçinoğlu
